Java e 10-të në Bundesligën gjermane, ka prodhuar surpriza të mëdha.
Bayern Munich u ndal pas 16 fitoreve radhazi. Kampionët në fuqi, barazuan 2-2 ndaj Union Berlin në transfertë.
Dopieta e Dokhi për vendasit, shtangu skuadrën e Kompany. Për bavarezët shënuan Luis Diaz në minutën e 38-të dhe Harry Kane në minutën e 93-të.
Pavarësisht barazimit, Bayern vazhdon i qetë në krye me 28 pikë, 6 më shumë se Leipzig i vendit të dytë.
Këta të fundit zhgënjyen totalisht, duke u mposhtur 3-1 nga Hoffenheim. Barazim zhgënjyes për Borussia Dortmund, që u ndal 1-1 nga Hamburg. Bayer Leverkusen fitoi thellë 6-0 ndaj Heidenheim.
