Te Tirana po kërkojnë përforcime të reja pas dëmtimit të rëndë të Edison Kolës, i cili do të mungojë gjatë.
Bardheblutë janë hedhur në merkato për të gjetur një mbrojtës. Sipas raportimeve të fundit, në listën e tyre ka hyrë Eneo Bitri.
Mbrojtësi ka qenë më parë pjesë e Partizanit dhe ka mbajtur edhe shiritin e kapitenit. Aktualisht Bitri është pa skuadër, çka e bën një opsion të mundshëm.
Tirana synon ta sjellë atë me fanellën e bardhebluve. Negociatat pritet të qartësohen në ditët në vijim. Gjithçka mbetet në pritje të zhvillimeve mes palëve.
