Largimi i Skënder Gegës, ka trazuar ujërat te Partizani. Të kuqtë kanë mbetur pa trajner, në një fazë delikate, kur duhet të nisnin përgatitjet për sezonin e ri.
Si trajner të përkohshëm, Partizani ka emëruar Fation Muhametin, i cili në të kaluarën ka qenë pjesë e ekipeve të moshave.
LEXO EDHE: Ndryshim drastik në Europë, Shqipëria ngjitet në renditje
Aktualisht më i kuotuari për të marrë drejtimin është ish-trajneri i Laçit, Francesco Moriero, por ende nuk është marrë një vendim.
Mësohet se plani i drejtuesve është që të mos nxitohen në emërimin e trajnerit të ri, pasi kjo mund të sillte sërish gabime në përzgjedhje.
Bëhet e ditur, se trajneri i ri i Partizanit pritet të emërohet brenda javës së ardhshme.
