Partizani B arriti një fitore të thellë 5-0 ndaj Devollit, në ndeshjen e vlefshme për javën e tretë të Kategorisë së Dytë, zhvilluar në “Arenën e Demave”.
Golat për të kuqtë u shënuan nga Kola dhe Denis Balla në pjesën e parë. Menjëherë pas golit të dytë, Rifa u ndëshkua me karton të kuq, duke lënë ekipin me 10 lojtarë. Megjithatë, kjo nuk ndikoi në lojën e Partizanit B, që realizoi edhe tre herë të tjera me Diallon, Gogën dhe Ndrejajn.
Me këtë sukses, skuadra e drejtuar nga Oltijon Kërnaja kryeson renditjen me 9 pikë të plota. Devolli, ndërkohë, renditet në vendin e tetë me 3 pikë.
Kjo ishte ndeshja e dytë brenda 24 orëve për Kërnajën, i cili një ditë më parë ishte në stol edhe me ekipin e parë, në fitoren 1-0 ndaj Flamurtarit në Vlorë.
