Java e shtatë e Superiores, është mbyllur me dy ndeshje shumë të luftuara.
Partizani triumfoi minimalisht 1-0 ndaj Flamurtarit në transfertë, në sfidë me tension. Takimi shënoi debutimin e dy trajnerëve, Oltion Kërnaja për Partizanin dhe Francesco Moriero për Flamurtarin.
Të kuqtë ishin më kërkues në pjesën e parë, ku pas pesë minutash fituan një penallti, por pas ndërhyrjes së VAR-it, vendimi u ndryshua.
Skuka pati dy mundësi të pastra shënimi, ndërsa Flamurtari pa një gol të anuluar të Maksutit për pozicion jashtë loje.
Pjesa e dytë u vendos në minutën e 63-të, kur një autogol i Lorenc Trashit i dha avantazhin Partizanit. Vlonjatët barazuan me Oshafin në fund, por goli u anulua për prekje me dorë gjatë aksionit. Fitorja i rikthen kryeqytetasit te tre pikët pas katër humbjeve radhazi dhe i ngjit në vendin e shtatë me 7 pikë, ndërsa Flamurtari mbetet në fund me vetëm dy pikë.
Në ndeshjen tjetër, Vora mori një fitore surprizë 2-1 ndaj Elbasanit në transfertë. Pas avantazhit të Qoses për vendasit, Daka dhe Karrica përmbysën rezultatin, duke i dhënë ekipit të Bellait fitoren që e ngjit në vendin e gjashtë me 10 pikë.
Elbasani mbetet në vendin e katërt me 11 pikë, duke pësuar humbjen e dytë radhazi.
RENDITJA:
/Tvklan.al
