Partizani-Teuta është pasuar me një rast të paprecedentë në ekipin e kuq. Portagonist është bërë kapiteni i ekipit Xhuliano Skuka. Ky i fundit u përplas me Judah Garsia në një episod krejtësisht të pazakontë disa minuta para fundit të takimit.
Reagimi i Skukës ndaj Garsias solli irritimin e tifozëve me Skukën.
Vetë lojtari ka reaguar së fundmi në rrjetet sociale.
REAGIMI:
“Jam i vetëdijshëm se sjellja ime mund të mos ketë qenë më e mira, përkundrazi kërkoj ndjesë por dua të theksoj se kjo nuk vjen nga mungesa respekti apo dëshire për të qenë pjesë e këtij ekipi. Arsyeja pse reagoj ndonjëherë më shumë se ç’duhet është sepse këtë ekip e ndiej si shtëpinë time dhe dua të jap gjithmonë maksimumin.
Nuk jam këtu thjesht si ata që vijnë e ikin, por sepse kam një histori më të gjatë dhe më të thellë me këtë skuadër. Ky ekip për mua është shumë më tepër se një skuadër futbolli, është një pjesë e imja që dua ta çoj përpara me pasion, respekt dhe përkushtim.
Në fushë i lejmë të gjitha, përveç rezultatit që do punojmë fort dhe do mundohemi të ngrejmë ekipin aty ku e meriton. Jam gati të punoj me veten, të përmirësohem aty ku kam gabuar, sepse mbi të gjitha e dua këtë ekip dhe dua të jem pjesë e tij denjësisht.
Skuka i Partizanit!”
