Ndeshja mes Kastriotit dhe Kukësit, e zhvilluar në stadiumin “Redi Maloku”, u shoqërua me momente tensioni në minutën e 24-t të takimit.
Një ndërhyrje e parregullt e lojtarëve vendas shkaktoi një përleshje masive ku u përfshinë futbollistët e të dyja ekipeve. Si pasojë e këtij incidenti, sulmuesi i Kukësit, Tayo, u ndëshkua me karton të kuq në ndeshjen e tij debutuese me këtë skuadër.
Gjyqtari i takimit, Dyrmishi, ndëshkoi gjithashtu me kartonë të verdhë lojtarët Samuel, Uilson dhe Hasa për përfshirje në konflikt. Pamjet tregojnë qartë se grushte ka nga të dyja ekipet, por arbitri vendos të ndëshkojë vetëm lojtarin e Kukësit.
SHIKO VIDEON:
Tayo u transferua te Kukësi gjatë merkatos së dimrit nga radhët e Skënderbeut. Pavarësisht pritshmërive për debutimin e tij, 20-vjeçari e mbylli para kohe sfidën.
