Ndeshja mes Pogradecit dhe Ilirisë, e vlefshme për javën e 13-të në Kategorinë e Parë, kishte tension të madh dhe u karakterizua nga një sherr masiv.
Në minutën e 67-të, një simulim në mesfushë nga Gresild Lika, bëri që të ketë përplasje të mëdha mes lojtarëve.
Zguro shkoi të ngrinte lojtarin, ndërsa në kundërpërgjigje, Adolf Selmani reagoi, duke bërë që në sherr të përfshiheshin edhe të tjerë, për disa minuta.
Arbitri ndëshkoi me të kuq Zguron dhe Selmanin, si dhe një anëtar të Pogradecit nga stafi teknik. Më herët me të kuq u ndëshkua edhe Kasmollari për liqenorët.
