Egnatia triumfoi miniamlisht ndaj Tiranës në stadiumin “Selman Stërmasi”. Sfida e javës së 13-të në Superiore, nisi me kampionët më kërkues.
Ruçi gjeti avantazhin, por goli i tij u anulua për pozicion jashtë loje. Dominimi u shpërblye në minutën e 27-të, kur Bakayoko shënoi golin e avantazhit nga penalltia.
Pas golit, Tirana pati disa mundësi të mira për shënim, por i shpërdoroi rastet dhe mori humbjen e katërt në pesë ndeshjet e fundit, e cila i mban në vendin e fundit me 7 pikë.
Me këtë sukses, Egnatia ngjitet në vendin e dytë me 25 pikë, po aq sa Elbasani kryesues, duke parakaluar Vllazninë.
SHIKONI RENDITJEN: https://vetemsport.com/java-e-12-superiore-renditja/
Në duelin tjetër, Dinamo u ndal në barazim pa gola nga Bylis në stadiumin “Adush Muça” të Ballshit. Të dyja ekipet prodhuan lojë dhe raste shënimi, por nuk e dërguan dot topin në rrjetë.
Me këtë barazim, Dinamo mbetet në vendin e pestë me 20 pikë, ndërsa Bylis renditet në vendin e tetë me 13 pikë.
