Drejtori sportiv i Vllaznisë, Vioresin Sinani, mendon se skuadra e vënë në dispozicion të Edi Martinit është e kompletuar edhe pa afrime të tjera në radhët e ekipit. Shkodranët po tentojnë të kthejnë Bismark që e huazuan për Europën, por Sinani ka thënë se ekipi ishte mëse i kompletuar edhe nëse nuk afrohej sulmuesi.
“Besoj se jemi të kënaqur, kanë ardhur lojtarë të mirë, me eksperiencë, do na japin një dorë të mirë. Do ndihmojnë shumë ekipin. Koha do ta tregojë, por jemi të kënaqur.
Gjendja e Kallakut? Të gjithë janë shumë të rëndësishëm për ekipin, ka shumë kohë deri në fund të sezonit. Të gjithë do luajnë, të gjithë janë të rëndësishëm, edhe ata në stol. Kallaku dhe të tjerët do të jenë të rëndësishëm gjatë rrugës tonë.
Bismark? Nuk e di si do bëhet në vazhdim por për atë që ka luajtur, ka lënë përshtypje shumë të mirë. Do të shohim në ditët në vazhdim, merkato është e hapur. Por edhe me këtë kontingjent jemi të kënaqur, të gjithë janë shumë të mirë për ekipin. Të shohim çfarë ndodh deri në fund, por deri tani jemi të kënaqur”, u shpreh Sinani për RTSH para ndeshjes së parë në kampionat.
