Vllaznia
Vllaznia do të luajë një ndeshje shumë të rëndësishme, siç është ajo ndaj Vikingur në turin e dytë të Conference League.
Në prag të duelit që do të luhet në Shkodër, presidenti Alban Xhaferi ka konfirmuar se Klinti Qato do të mungojë për shkak dëmtimi.
“I kemi bërë të gjitha përgatitjet për mbrëmjen e së enjtes. Ekipi besoj se është në momentin e tij më të mirë, duke pasur parasysh edhe entuziazmin e kalimit të turit. Kemi një frymë pozitive në ekip. Forma e lojtarëve është e mirë, përveç Qatos, i cili do të na mungojë në këtë ndeshje.
Pjesa tjetër e lojtarëve besoj se do të jetë prezent në dispozicion të trajnerit dhe i premtojmë të gjithë opinionit shkodran, që përveç atmosferës fantastike që do të jetë në shtëpinë tonë ‘Loro Boriçi’, do të bëjmë më të mirën dhe maksimumin tonë. Besoj se do të jetë një spektakël atë natë”, u shpreh Xhaferi për “RTSH Shkodra”.
