Diar Halili do e kalojë pjesën e mbetur të sezonit te Tirana. Prishtina zbuloi së fundmi se është arritur marrëveshja me ekipin e Superiores.
Huazimi i mbrojtësit 22-vjeçar vjen pas disa transferimeve të bujshme si Redon Xhixha, Fredi Alvarez dhe Emanuel Ernest. Tirana nuk po kursehet aspak në këtë merkato, për t’u rikthyer sërish si e barabartë me rivalët.
Njoftimi i Prishtinës:
“Futbollisti ynë, Diar Halili, do ta vazhdojë pjesën pranverore të sezonit 2025/26 te KF Tirana, pas arritjes së marrëveshjes për huazimin e tij.
Qendërmbrojtësi ynë kalon te ekipi bardh e blu, ku pritet të jetë një forcë shtesë për skuadrën kryeqytetase në misionin e këndelljes në pjesën e dytë të sezonit.
I urojmë Diarit shumë suksese dhe sa më shumë paraqitje pozitive në Tiranë”.
