Ndeshja mes Vllaznisë dhe Partizanit, e mbyllur me rezultatin 4-1, ka sjellë diskutime të shumta në panelet sportive.
Takimi u shoqërua me vendime të diskutueshme të arbitrit Olsid Ferataj, i cili u vu në qendër të vëmendjes.
Në emisionin “Skaner”, moviolisti Bujar Pregja analizoi rastet kryesore të ndeshjes. I pranishëm ishte edhe Sulejman Starova, ish-trajner i Partizanit dhe aktualisht shef i trajnerëve në FSHF.
Një nga episodet më të debatuara ishte ndërhyrja e Ardit Krymit, e cila në studio u konsiderua si rast për karton të kuq, ndonëse gjyqtari nuk e ndëshkoi.
Analistët folën për gabime të përsëritura në gjykim nga ana e arbitrit. Starova gjithashtu kritikoi drejtpërdrejt gjyqtarin, duke thënë se “paska qenë i lodhur” dhe “në gjumë”.
Në fund, të gjithë të ftuarit ndanë mendimin se gjykimi në këtë ndeshje kishte pasur probleme të dukshme.
