Flamurtari ka zyrtarizuar afrimin e mbrojtësit të majtë Eric Veiga për sezonin e ri.
Lojtari 27-vjeçar, me origjinë portugeze, ka qenë pjesë e përfaqësueseve të moshave të Portugalisë dhe më pas e Kombëtares së Luksemburgut. Ai është aktivizuar me këtë të fundit edhe në muajin qershor të këtij viti. Veiga vjen pas eksperiencës së fundit me skuadrën Avs Futebol në Portugali.
Në karrierën e tij, ai ka luajtur në disa kampionate europiane, duke sjellë përvojë ndërkombëtare. Flamurtari e prezantoi zyrtarisht në rrjetet sociale, duke i uruar mirëseardhje në klub.
Ky transferim është pjesë e përforcimeve të skuadrës vlonjate për edicionin e ri të kampionatit.
