Ashtu siç ishte paralajmëruar, dje u prezantua trajneri i ri i verdhezinjve. Shpëtim Duro, një emër i njohur në Kavajë, në Shqipëri dhe jashtë saj, u prezantua nga presidenti Nexhat Bizhdili dhe mbajti një fjalë të shkurtër para lojtarëve.
Duro rikthehet në Kavajë pas 15 vitesh. Nën drejtimin e tij, Besa arriti sukses të dyfishtë në sezonin 2010, duke fituar Kupën e Shqipërisë kundër Vllaznisë në finale dhe Superkupën ndaj Dinamos, kampione e atij viti. Atëherë ai e la Besën me dy trofe dhe sot rikthehet për ta drejtuar në Kategorinë e Parë, por me objektiv madhor, rikthimin e kavajasve në elitën e futbollit shqiptar pas një mungese 12-vjeçare.
Në deklaratën e tij të parë si trajner i Besës, Shpëtim Duro theksoi se ende nuk i njeh mirë lojtarët e huaj të skuadrës, prandaj nuk dëshiron të humbasë kohë dhe ka programuar një miqësore luksi ndaj Partizanit. Takimi do të luhet nesër, në stadiumin e Durrësit, në orën 16:00.
/Panorama Sport
