Klubi i Elbasanit ka konfirmuar zyrtarisht ndërprerjen e bashkëpunimit me sulmuesin Roei Ben Shimon.
Largimi i 25-vjeçarit erdhi menjëherë pas afrimit të Insa Boje, lëvizje e cila shtoi konkurrencën në repartin ofensiv të verdhebluve. Zyrtarizimi i largimit u bë i ditur përpara sfidës kundër Partizanit, duke mbyllur kështu një periudhë shtatëmujore të lojtarit në Elbasan.
Shimon u transferua me pritshmëri të larta gjatë merkatos së verës, por nuk arriti të siguronte një vend stabël në formacionin e trajnerit Gvozdenoviç. Gjatë qëndrimit të tij, ai u aktivizua në 10 ndeshje midis kampionatit dhe Kupës së Shqipërisë, ku regjistroi vetëm një asistim.
Sulmuesi nuk ishte përfshirë në listën e ekipit për ndeshjet e fundit, duke mbetur jashtë planeve teknike.
