Partizani vazhdon ndryshimet e rëndësishme dhe këtë radhë, duket se ka humbur shërbimet edhe të përgatitësit atletik i cili prej më shumë se një viti punonte te të kuqtë. Përgatitësi atletik portugez, Luis Nabais, nëpërmjet rrjeteve sociale, ka bërë të ditur se është ndërprerë bashkëpunimi i tij me të kuqtë.
Ai ka falënderuar klubin ku ka qëndruar në këtë periudhë të turbullt me 5 stafe të ndryshme teknike, siç e theksoi vetë, por edhe FSHF-në që e kishte përzgjedhur 30-vjeçarin mes lektorëve për kurset e saj.
POSTIMI I LUIS NABAIS
Çdo kapitull në futboll tregon një histori unike.
Koha ime te Partizani do të mbetet gjithmonë me mua – 6 ndeshje të Ligës së Konferencës, më shumë se 400 seanca stërvitore, 5 stafe të ndryshme teknike, një Final Four dhe një gjysmëfinale Kupe. Këto janë momente që nuk mund të fshihen kurrë. Megjithatë, doja më shumë – meritonim të arrinim më shumë.
Ky klub, ky qytet dhe ky vend më mirëpritën dhe u bënë pjesë e historisë sime.
Po aq e rëndësishme sa të dish si të hysh, është edhe të dish si të largohesh dhe unë largohem me mirënjohje për të gjitha momentet që përjetova – punën e palodhur, uljet dhe ngritjet, momentet e dyshimit dhe momentet e krenarisë.
Njëherë dëgjova: “Futbolli është më i rëndësishmi nga gjërat e vogla në jetë” – dhe është e vërtetë. Për ta jetuar këtë lojë plotësisht, shpesh heqim dorë ose i lëmë në vend të dytë shumë gjërave të tjera të rëndësishme në jetë. Kjo sakrificë është pjesë e rrugës dhe e bën çdo moment në futboll edhe më të vlefshëm.
Për këtë, dua të falënderoj të gjithë ata që punuan me mua gjatë këtyre dy sezoneve – të gjithë stafin teknik, të gjithë lojtarët, stafin mjekësor, stafin e Partizani Channel, hotelit dhe kuzhinës. Një theks i veçantë për tifozët e Partizanit – pasioni dhe mbështetja juaj e bënë çdo ditë të paharrueshme. Dhe për Kushtrim Vokën dhe Ildi Dajlanin për të gjitha orët e punës, njohuritë që ndamë dhe mbi të gjitha, miqësinë.
Gjithashtu dua të shpreh mirënjohjen time të sinqertë për Federatën Shqiptare të Futbollit që më besoi të merrja pjesë si Lektor në Kursin e Trajnerëve Fizikë të UEFA-s, dhe për @vizionplustv për interesin e treguar për përvojën time në Shqipëri dhe në udhëtimin tim profesional.
Futbolli ka të bëjë me pasionin, qëndrueshmërinë dhe mosdorëzimin kurrë – dhe kjo është ajo që marr me vete ndërsa ec përpara drejt sfidës së radhës.
Dikur i kuq, i kuq përgjithmonë i kuq.
Nga tani e tutje, keni fituar një tifoz më shumë – dikë që e ndjen thellësisht këtë klub dhe do ta mbështesë Partizanin nga kudo që të më çojë futbolli më pas.
Faleminderit për gjithçka, Partizani!
