Partizani ka zyrtarizuar afrimin e mesfushorit Rowan Human, i cili ka nënshkruar deri në vitin 2027 me mundësi rinovimi edhe për një sezon tjetër.
Lojtari 24-vjeçar është pjesë e përfaqësueses së Afrikës së Jugut dhe vjen nga skuadra AmaZulu. Më herët ai ka luajtur edhe në Izrael me Makabi Tel Aviv dhe Beitar Tel Aviv. Pas largimit të Baton Zabërgjës, Human bëhet lojtari me vlerën më të lartë në Kategorinë Superiore, sipas “Transfermarkt”, me 850 mijë euro.
Ai pritet të mbushë rolin që mbeti bosh te Partizani pas largimit të Arinaldo Rrapajt. Mesfushori cilësohet si organizator dhe fantazist. Klubi beson se afrimi i tij do të shtojë cilësi dhe eksperiencë në mesfushë.
