Lushnja ka zyrtarizuar emërimin e trajnerit të ri për vazhdimin e sezonit.
Kryebashkiakja Eriselda Sefa ka konfirmuar se Artan Bano do të marrë drejtimin e skuadrës, duke u ulur në pankinën e “lagunarëve”.
Bano është trajneri i tretë i Lushnjës këtë sezon, pas largimeve të Xhafës dhe Bicajt. Sipas drejtuesve, ndryshimi vjen për shkak të rezultateve nën pritshmëri në fazën e deritanishme të kampionatit.
Në një postim në rrjetet sociale, kryebashkiakja theksoi se zgjedhja e Banos u bë si një zgjidhje e brendshme, duke pasur parasysh njohjen e ambientit. Ajo nënvizoi gjithashtu se Bashkia dhe Këshilli Bashkiak do të vijojnë mbështetjen për klubin.
Në të njëjtën kohë, u kërkua reflektim dhe angazhim më i madh nga stafi dhe lojtarët vendas.
