Nuk ka qetësi për trajnerët në Shqipëri. Një tjetër teknik është larguar nga stoli.
Bëhet fjalë për Gazmir Fucia, i cili ka njoftuar largimin nga drejtimi i Gramshit në Kategorinë e Dytë.
Ai ka bërë të ditur se është larguar nga drejtimi i ekipit, së bashku me stafin e tij, me të cilët nisi punën në gusht të vitit të kaluar.
Ndër të tjera, Fucia i uron skuadrës suksese në vazhdim.
“Unë dhe stafi nuk jemi më pjesë e Gramshit. Uroj suksese të mëtejshme”, thotë ai.
Gramshi mban vendin e nëntë në Kategorinë e Dytë, me tetë pikë të grumbulluara në 10 ndeshje.
Skuadra e mbylli vitin me humbje 0-3 ndaj Sopotit.
