Pas Partizanit, edhe Flamurtari ka larguar trajnerin. Klubi vlonjat ka njoftuar mbylljen e bashkëpunimit me Carlos Garcia.
Tekniku spanjoll ishte prej kohësh në “fije të perit”, por tani ka ardhur ndarja zyrtare. Ky shkarkim vjen pas fillimit të dobët të sezonit nga kuqezinjtë.
Flamurtari ka regjistruar vetëm dy pikë në gjashtë javë kampionat dhe renditet në vendin e fundit në renditje.
Disfata e fundit ndaj Dinamos, e cila ishte e treta radhazi, ka rezultuar fatale për Garcia-n, të cilit i është komunikuar largimi.
“Flamurtari F.C. njofton se ka përfunduar me konsensus bashkëpunimin me trajnerin Carlos Garcia.
Klubi e falënderon për profesionalizmin, qytetarinë dhe vlerat që ka treguar gjatë periudhës së tij në drejtimin e skuadrës sonë.
Flamurtari F.C. i uron suksese në vazhdim të karrierës dhe e falënderon për kontributin e dhënë në klubin tonë”, thuhet në njoftim.
