Nebi Qokthi ka firmosur kontratën e parë profesionale me Partizanin.
Sulmuesi 19-vjeçar, i dalë nga Akademia e klubit, ka nënshkruar një marrëveshje 4-vjeçare me opsion rinovimi edhe për një sezon tjetër.
Lajmi është bërë i ditur nga vetë Partizani përmes një njoftimi zyrtar. Qokthi ka qenë pjesë e ekipit U-19 dhe tashmë është promovuar në skuadrën e parë.
Klubi e cilëson këtë si pjesë të politikës për të afirmuar futbollistët e rinj. Nënshkrimi i kontratës përkon edhe me ditëlindjen e 19-të të futbollistit.
Partizani e ka shoqëruar prezantimin me urime për lojtarin.
