Dritan Smajli nuk do të jetë më trajner i Ilirisë. Klubi i Kategorisë së Parë dhe tekniku lezhjan kanë vendosur që të mbyllin bashkëpunimin mes tyre, disi në mënyrë të papritur.
“Klubi njofton se me mirëkuptim të ndërsjellë kemi mbyllur bashkëpunimin me trajnerin Dritan Smajli. E falënderojmë dhe i urojmë suksese”, shkruan klubi nga Fushë – Kruja.
Kujtojmë se Iliria momentalisht është në vendin e 8-të në Kategorinë e Parë me 22 pikë të grumbulluara. Megjithatë mbeten pretendentë për Superiore, pas janë vetëm 1 pikë larg “Top 6”, duke pasur mundësinë që të kapin elitën nëpërmjet këtij rrugëtimi.
