Te Partizani ndryshimet këtë verë kanë qenë të shumta. Përveç stafit dhe skuadrës, ato kanë përfshirë edhe stafin drejtues.
Klubi ka zbuluar një emërim të rëndësishëm. Presidenti Gaz Demi, ka zgjedhur si drejtor të bordit, një emër të njohur për publikun.
Bëhet fjalë për Filip Çakulin ish drejtorin e emisionit “Fiks Fare”, i cili do të jetë kryetar i bordit, siç njoftohet nga vetë klubi.
Kujtojmë se Filip Çakuli dhe presidenti Gaz Demi janë miq të afërt prej shumë vitesh.
POSTIMI I PARTIZANIT:
Në prag të fillimit të sezonit të ri futbollistik, Presidenti i Klubit Gazment Demi dhe Kryetari i Bordit Filip Çakuli zhvilluan një vizitë në ambientet e Klubit, ku takuan futbollistët dhe stafin teknik.
Gjatë fjalës së tij, Presidenti Demi theksoi rëndësinë e unitetit dhe besimit deri në fund:
“Dua të jemi të bashkuar dhe të besojmë deri në fund. Vetëm kështu mund të arrijmë objektivat që i kemi vendosur vetes.”
Nga ana e tij, Kryetari i Bordit Filip Çakuli rikujtoi historinë e lavdishme dhe traditën legjendare të Partizanit, si një burim frymëzimi për skuadrën aktuale.
Në mbyllje të takimit, Presidenti Demi përshëndeti lojtarët dhe stafin e drejtuar nga trajneri Mladen Milinkoviç, duke u uruar një sezon të mbarë dhe suksese në sfidën e parë të kampionatit, që do të zhvillohet këtë fundjavë në “Arenën e Demave” ndaj ekipit debutues të Vorës.
