Jozef Mintongo ka gjetur skuadrën e tij të re pas mbylljes së parakohshme të aventurës në Shqipëri me Partizanin.
Mesfushori 20-vjeçar nga Kameruni është zyrtarizuar si lojtari më i ri i klubit USM Oujda, skuadër që garon në kategorinë e dytë të futbollit në Marok. Mintongo mbërriti te të kuqtë në verën e vitit 2024 si i huazuar për dy vite nga ekipi Fortuna du Mfu, me synimin për të zëvendësuar Masanga Matondon.
Megjithatë, futbollisti nuk arriti të përmbushte pritshmëritë e stafit teknik, duke u aktivizuar në vetëm katër ndeshje zyrtare me ekipin e parë. Për shkak të minutazhit të paktë dhe performancës nën nivelin e kërkuar, marrëveshja e huazimit u ndërpre pas vetëm një sezoni.
Tashmë, mesfushori i ri do të kërkojë të rifitojë formën e tij në kampionatin maroken. Kjo lëvizje shënon përpjekjen e radhës së lojtarit për të spikatur në futbollin afrikan pas eksperiencës në Kategorinë Superiore.
