Federata Shqiptare e Futbollit ka njoftuar se janë shitur të gjitha biletat, për ndeshjen Shqipëri-Letoni në “Air Albania”.
Ndeshja do të luhet duke nisur nga ora 20:45, ndërsa nuk ka më bileta në dispozicion. Vlen të përmendet se stadiumi nuk do të jetë i mbushur plot, për shkak të dënimit të dhënë nga FIFA.
Sipas vendimit, FSHF u dënua me një gjobë prej 161,500 franga zvicerane dhe detyrimin që ndeshja e radhës në shtëpi ndaj Letonisë të luhet me të paktën 20% të kapacitetit të stadiumit të mbyllur për publikun, për shkak të sjelljeve të përsëritura të papërshtatshme dhe diskriminuese të një pjese të tifozëve shqiptarë (këngë me përmbajtje diskriminuese, hedhje objektesh, ndezje fishekzjarrësh, përdorimi i gjesteve apo mesazheve të papërshtatshme për një ngjarje sportive, si dhe ndërprerje gjatë himneve kombëtare).
