Ousmane Dembele është shpallur lojtari më i mirë i vitit 2025 nga FIFA, në ceremoninë zyrtare të ndarjes së çmimeve. Pas fitimit të “Topit të Artë”, sulmuesi francez shton edhe një tjetër trofe individual në karrierë. Dembele pati rol vendimtar në suksesin historik të PSG-së në Ligën e Kampioneve.
Për çmimin ishin të nominuar edhe Kylian Mbappe dhe Lamine Yamal. Në futbollin e femrave, lojtare e vitit u zgjodh Aitana Bonmati, për të tretin vit radhazi.
Trajner i vitit u shpall Luis Enrique, ndërsa portieri më i mirë u vlerësua Gianluigi Donnarumma. Në kategorinë e femrave, trajnerja më e mirë ishte Sarina Wiegman dhe portierja më e mirë Hannah Hampton. PSG dominoi formacionin më të mirë të vitit, duke pasur disa përfaqësues.
FORMACIONI I VITIT:
Gianluigi Donnarumma;
Achraf Hakimi, William Pacho, Virgil van Dijk, Nuno Mendes;
Cole Palmer, Jude Bellingham, Vitinha, Pedri;
Lamine Yamal, Ousmane Dembele.
