Iliria dhe Luftëtari u ndanë në barazim 1-1 të shtunën, në ndeshjen e vlefshme për javën e 16-të të Kategorisë së Parë.
Takimi u zhvillua në stadiumin e Luzit dhe u karakterizua nga momente diskutimi për gjykimin. Vendasit shprehën pakënaqësi ndaj arbitrimit të kryesores Emanuela Rusta.
Një prej rasteve të kontestuara ishte anulimi i një goli për Ilirinë, pas një daljeje të portierit të Luftëtarit. Po ashtu, u pretendua për një ndërhyrje brenda zonës në dëm të skuadrës nga Fushë-Kruja.
Arbitrja e konsideroi aksionin të rregullt dhe lejoi vazhdimin e lojës. Këto vendime sollën protesta nga vendasit gjatë ndeshjes. Po ashtu, përfaqësues të klubit të Ilirisë janë ankuar në redaksinë tonë, për këto dy vendime të dyshimta.
