Pas pesë muajve jashtë, Jamal Musiala është rikthyer në stërvitje. Sulmuesi i Bayern Munich ka qenë jashtë nga muaji korrik, pas dëmtimit të rëndë të pësuar në ndeshjen ndaj PSG-së, në çerekfinalen e Botërorit të Klubeve.
Rikuperimi i lojtarit shkoi sipas planeve, me klubin që ishte njoftuar se do të ishte gati për katër ose pesë muaj.
Tashmë ai është rikthyer në stërvitje dhe po përgatitet për të luajtur ndeshje zyrtare. Musiala pësoi një frakturë të fibulës dhe zhvendosje të kyçit, në këmbën e tij të majtë, pas një dueli me Donnarummën në zonë.
Rikthimi në stërvitje e afron atë me ndeshje zyrtare, ndërsa te Bayern nuk duan të nxitojnë, por do e aktivizojnë lojtarin vetëm pasi të jetë 100% gati.
