Ditët e fundit janë shtuar zërat për një rikthim të mundshëm të Kevin Dodajt te Vllaznia, për shkak të hapësirave të kufizuara që ai po gjen te CSKA Sofia.
Këto aludime u përforcuan edhe nga fakti që sulmuesi 20-vjeçar, gjatë qëndrimit në Shkodër në fund të vitit, u stërvit për disa ditë me Vllazninë për të ruajtur formën fizike.
Megjithatë, ky aktivitet ishte thjesht stërvitje individuale dhe jo pjesë e ndonjë marrëveshjeje konkrete. Aktualisht nuk ka asgjë zyrtare në lidhje me një rikthim të tij.
Dodaj pritet t’i japë fund pushimeve dhe të dielën të udhëtojë drejt Bullgarisë. Të hënën, më 5 janar, ai do të nisë përgatitjet me CSKA-në.
Prioriteti i lojtarit mbetet qëndrimi në Sofje dhe fitimi i një vendi në skuadër, ndërsa huazimi te Vllaznia mbetet një opsion vetëm nëse situata nuk ndryshon deri në fund të merkatos së janarit.
