Dy futbollistët nga Kosta Rika, Fredi Álvarez dhe Johan Cortés, janë nisur drejt Tiranës për t’u bashkuar me ekipin bardheblu.
Të dy lojtarët pritet të mbërrijnë në kryeqytet në orët në vijim. Pas mbërritjes, ata do t’i nënshtrohen vizitave mjekësore përpara formalizimit të marrëveshjeve.
Më pas, Álvarez dhe Cortés do të firmosin kontratat me klubin. Dy afrimet do të vihen menjëherë në dispozicion të stafit teknik.
Fotoja e publikuar në rrjetet sociale nga aeroporti konfirmon nisjen e udhëtimit të tyre. Klubi i Tiranës pritet të zyrtarizojë transferimet pas përfundimit të procedurave.
Këto lëvizje bëhen në kuadër të përforcimit të skuadrës për vazhdimësinë e sezonit.
