Marash Kumbulla shihet jashtë planeve të trajnerit Gianpiero Gasperini, ndërsa nuk u aktivizua as në miqësoren e fundit të Romës ndaj Evertonit. Sipas mediave spanjolle, Espanyol ka shfaqur interes për mbrojtësin shqiptar dhe ka nisur kontaktet për transferimin e tij.
Roma kërkon shitje përfundimtare ose huazim me detyrim blerjeje, për të rikuperuar një pjesë të 26,5 milionë eurove të investuara më parë. Espanyol mund të jetë gati për marrëveshjen, por përballë ka konkurrencë nga Serie A.
Cagliari po interesohet gjithashtu për Kumbullën dhe synon ta afrojë në skuadër. Nëse transferohet te Cagliari, lojtari do të mbetej në elitën e futbollit italian.
Situata e tij pritet të zgjidhet brenda merkatos aktuale, pasi Roma kërkon të përfitojë financiarisht nga largimi. E ardhmja e mbrojtësit mbetet e hapur mes opsioneve në Itali dhe Spanjë.
