Al-Hareth Hatam ishte një nga emrat që u përfol gjatë merkatos verore, pasi publikoi në rrjete sociale se mund të transferohej te Partizani.
Më pas u konfirmua se nuk kishte asnjë marrëveshje mes palëve. 29-vjeçari ka vendosur të vazhdojë karrierën në Irak, duke kaluar nga Al Qasim te Al-Quva AlJavija.
Ai luan si sulmues në krahun e djathtë dhe është i njohur për profilin e tij ofensiv. Në sezonin e kaluar realizoi 12 gola dhe dha 3 asistime. Po në atë edicion u shpall lojtari i sezonit në kampionatin irakian.
Hatam nuk ka qenë kurrë opsion real për Partizanin. Karriera e tij do të vijojë në futbollin e vendit të tij.
