Ndryshimi i trajnerit, nuk ka sjellë ende fitore te Besa.
Me Emiliano Çelën në drejtim u regjistruan dy barazime, ndërsa më pas erdhën dy humbje radhazi me përmbysje.
Pas disfatës 2-1 ndaj Apolonisë, kavajasit u mposhtën me të njëjtin rezultat edhe nga Burreli.
Në fund të takimit, trajneri Shpëtim Duro habiti me vendimin, duke mos pranuar të dalë dhe të flasë për mediat, duke deleguar detyrën tek ndihmësi i tij, Fidaim Haxhiu, i cili pranoi vështirësitë aktuale të skuadrës.
