Klubi i Elbasanit po synon fitimin e titullit kampion në Superiore për këtë sezon sportiv. Aktualisht, ekipi verdheblu renditet në vendin e dytë të klasifikimit, me një diferencë prej katër pikësh nga Egnatia kryesuese.
Drejtuesit pritet të bëjnë lëvizje të rëndësishme në merkaton e dimrit.
Sipas raportimeve në emisionin “Mega Sport”, sulmuesi Armando Sadiku mbetet një opsion i mundshëm për t’u transferuar te ky klub.
Ndonëse ka interes nga skuadra të tjera shqiptare, bëhet e ditur se Sadiku preferon Elbasanin në rast rikthimi në kampionatin vendas.
Paralelisht, drejtuesit e klubit kanë nisur negociatat me mesfushorin Amir Abrashi, i cili aktualisht aktivizohet me skuadrën e Grasshoppers. Abrashi po shqyrton mundësinë për të mbyllur karrierën e tij futbollistike në Shqipëri.
