Merkatoja e dimrit pritet të sjellë lëvizje të bujshme, me Flamurtarin që duket se është futur “all in” për të “rrëmbyer” yllin e Skënderbeut, Saleh Nasr.
Egjiptiani është lojtari më në formë i korçarëve të Ernest Gjokës, teksa ka shënuar 9 gola në 17 ndeshje, duke u shndërruar në një nga lojtarët më të preferuar në merkato, për klubet e elitës.
Në kampin vlonjat duket se janë gati të “thyejnë bankën” për të siguruar shërbimet e Nasr, teksa mbetet për t’u parë nëse oferta e kuqezinjve, do të arrijë të joshë drejtuesit korçarë, pasi largimi i egjiptianit, mund të hapë një “gropë” të madhe në repartin ofensiv të Skënderbeut.
Burime pranë klubit korçar bëjnë me dije se ka pasur edhe oferta zyrtare në adresë të presidentit Takaj, për sulmuesin Saleh Nasr.
