Në prag të ndeshjes Serbi–Shqipëri, mediat serbe kanë raportuar për masa të rrepta sigurie dhe për përpjekje të disa tifozëve shqiptarë për të siguruar bileta për ndeshjen.
Gazetari Branko Spasojeviç ka bërë të ditur se biletat nuk janë vënë në shitje të lirë, por janë shpërndarë përmes Federatës së Futbollit të Serbisë dhe klubeve lokale. Ai shtoi se janë qarkulluar zëra se disa bileta janë kërkuar nga tifozë shqiptarë që jetojnë në jug të Serbisë, kryesisht në Vranjë dhe Bujanoc.
Sipas tij, dyshohet se është tentuar shpërndarja e tyre në mënyrë të paligjshme. Autoritetet serbe janë njoftuar për këto përpjekje dhe kanë ndërmarrë masa shtesë sigurie.
Kontrolli i hyrjeve në stadium do të jetë i fortë për të shmangur çdo incident. Ndeshja zhvillohet në kushte të mbikëqyrjes së plotë nga autoritetet vendase.
