Mesfushori i Kombëtares Shqiptare, Ylber Ramadani, do të mbetet pjesë e skuadrës së Lecces të paktën deri në vitin 2027.
Gazetari italian Nicolo Schira raporton se klubi ka vendosur të aktivizojë opsionin për rinovimin e kontratës edhe për një sezon tjetër.
Edhe pse në fund të edicionit të kaluar e ardhmja e 29-vjeçarit dukej larg Serisë A për shkak të humbjes së vendit si titullar, situata ka ndryshuar rrënjësisht gjatë pjesës së parë të këtij sezoni.
Performancat e tij të fundit kanë bindur drejtuesit, duke u renditur madje si lojtari me më shumë kilometra të përshkuara në të gjithë kampionatin italian.
Ramadani iu bashkua Lecces në vitin 2023 nga ekipi i Aberdeen dhe tashmë konsiderohet sërish një element kyç për mesfushën e skuadrës.
