Vllaznia ka bërë disa afrime gjatë merkatos verore, por jo të gjithë lojtarët kanë përmbushur pritshmëritë e klubit.
Një prej tyre është mbrojtësi Arsid Kruja, i cili pas kthimit në Shkodër gjatë kësaj merkato vere, sipas “Panorama Sport” pritet të largohet përsëri. Drejtuesit nuk janë të kënaqur me paraqitjet e tij në ndeshjet europiane.
Trajneri Martini i ka reduktuar ndjeshëm minutat e lojës, përfshirë edhe ndeshjen ndaj Vikingur, ku u aktivizua në pjesën e dytë dhe u zëvendësua në shtesë.
Po shqyrtohet mundësia e ndërprerjes së kontratës, duke e lënë lojtarin të lirë për të gjetur ekip tjetër para nisjes së sezonit. Kruja ishte lojtari më i mirë i Superiores sipas të dhënave të “SofaScore”.
Për këtë arsye afrimi i tij te Vllaznia u konsiderua fillimisht si një përforcim i rëndësishëm. Megjithatë, klubi duket se ka ndryshuar qëndrim për të ardhmen e tij.
