Charles Bismark është kthyer në dëshirën e madhe të Vllaznisë. Sulmuesi spikati në dy ndeshjet e kuqebluve në Europë, ku luajti i huazuar nga Skënderbeu.
Duke parë formën e treguar, te Vllaznia duan ta afrojnë për sezonin e ri, por vetëm në formën e huazimit.
Në krahun tjetër, te Skënderbeu nuk duan ta largojnë ganezin në huazim, ndërsa do të pranonin vetëm një shitje të tij.
Korçarët janë të prerë në vendimin e tyre, duke thënë se Bismark mund të largohet, vetëm nëse paguhen në arkat e klubit.
Mbetet të shihet, nëse Vllaznia do të tentojë akoma për huazim, apo të paguajë për kartonin e sulmuesit.
