Vllaznia ka siguruar përforcimin e radhës për sezonin e ri. Mesfushori moldav Christian Dros, pjesë e Kombëtares së Moldavisë, ka firmosur një kontratë dyvjeçare me kuqeblutë.
27-vjeçari, i cili sezonin e kaluar spikati me fanellën e Elbasanit në Superiore, ka mbërritur tashmë në Shkodër dhe ka kryer të gjitha procedurat për kalimin e tij te Vllaznia. Sipas “Shkodra Sot”, prezantimi zyrtar i futbollistit do të zhvillohet nesër në ambientet e klubit.
Me eksperiencën dhe aftësitë e tij në mesfushë, Dros shihet si një element i rëndësishëm për të forcuar skuadrën shkodrane në garën për objektivat e sezonit 2025-2026.
