Interesi për ndeshjen Andorrë–Shqipëri ka qenë i jashtëzakonshëm, pasi biletat janë shitur të gjitha në më pak se 48 orë nga hapja e shitjeve.
Federata e Futbollit të Andorrës ka njoftuar zyrtarisht se përballja e 13 nëntorit në “Nou Estadi” do të luhet me stadium të mbushur në kapacitet të plotë.
Stadiumi, me një kapacitet prej rreth 5,600 vendesh, do të jetë plot në çdo sektor, diçka e rrallë për një ndeshje të kombëtares së Andorrës. Kjo është hera e parë pas shumë vitesh raportohet shitje e plotë e biletave nga Andorra. Një muaj më parë, në përballjen kundër Serbisë, tribunat ishin pothuajse bosh, me më pak se një mijë tifozë të pranishëm.
Këtë herë situata është ndryshe. Prania e tifozëve shqiptarë pritet të jetë e madhe, pasi shumë prej tyre do të udhëtojnë nga Spanja, Franca dhe vende të tjera të Europës për të mbështetur kombëtaren.
