“Vetëm Sport” mëson ekskluzivisht se “Supersport”, ka fituar të drejtën për transmetimin e ndeshjeve të kthimit, për tre skuadrat shqiptare në turin e dytë të Conference League.
Dinamo pret në Elbasan skuadrën Atletic Escaldes nga Andorra. Kryeqytetasit fituan 2-1 ndeshjen e parë dhe duken pranë kualifikimit.
E njëjtë është situata edhe për Egnatian që luan në shtëpi me favorin e avantazhit 2-0 ndaj Dinamo Minsk.
LEXO EDHE: Taulant Balla “nderon” Vllazninë, shkodranët marrin lajmin e madh para ndeshjes në Islandë
Më e vështirë duket situata për Vllazninë, që luan në Islandë ndaj Vikingur dhe ka avantazhin 2-1 të ndeshjes së parë.
“Vetëm Sport” mëson ekskluzivisht se të treja këto takime do të transmetohen në “Supersport”.
