Pas ndeshjes Dinamo-Jagiellonia 1-1, e vlefshme për fazën “play off” të Ligës së Konferencës dhe e luajtur më 28 gusht në “Air Albania”, u regjistrua një episod i veçantë.
Mbrojtësi i bluve, Naser Aliji, detyroi zyrtarët e UEFA-s ta prisnin deri në 01:30 të natës në ambientet e stadiumit.
Shkak ishte kontrolli anti-doping, teksa nga shorti i hedhur, ishte caktuar Aliji.
Mësohet se lojtarit blu iu deshën të pinte rreth 4 litra ujë, derisa të urinonte, në mënyrë që testi anti-doping të përmbushte procesin.
Burimi: Rubrika Sportive
