Skuadra e Burnley do të përballet nesër me Manchester City në “Etihad Stadium”. Armando Broja është pjesë e listës së lojtarëve, por shanset për ta nisur si titullar janë shumë të vogla.
Sipas raportimeve nga Anglia, dy janë arsyet që e largojnë nga formacioni. Së pari, lodhja pas paraqitjes në Kupën e Ligës.
Së dyti, performanca jo e kënaqshme në sfidën e fundit ndaj Cardiff. Deri më tani, Broja ka zhvilluar tre ndeshje, por pa arritur të shënojë.
Situata e tij te Burnley tregon për një fillim jo të lehtë në këtë aventurë. Sulmuesi i Kombëtares shqiptare kërkon më shumë hapësira për të treguar aftësitë e tij.
