Xhuliano Skuka nuk do të jetë i gatshëm për ndeshjen ndaj Elbasanit, për shkak të një tërheqjeje muskulore të pësuar në seancën e fundit stërvitore.
Në vend të tij, trajneri Milinkoviç ka disa alternativa si Bintsuka apo Toma, ndërsa nuk përjashtohet as mundësia që Gudjufi të luajë në qendër të sulmit.
Problemet me dëmtimet kanë ndikuar që tekniku të mos ketë grupin e plotë në dispozicion. Skuka ishte afrimi i parë i Partizanit në merkaton e verës dhe pritej të kishte rol të rëndësishëm në skuadër.
Ai kishte pësuar një tjetër dëmtim edhe në gusht, që e mbajti përkohësisht jashtë fushe. Rikthimi i tij i fundit ishte parë si një alternativë e vlefshme për repartin ofensiv.
Tani, sulmuesi do të duhet të presë përsëri për t’u rikthyer në dispozicion. Situata e krijuar e detyron stafin të mendojë për zgjidhje të reja në ndeshjen e radhës.
