FIFA ka vendosur që për herë të parë të shpërndajë një shumë rekord prej 355 milionë dollarësh për klubet që kontribuojnë me lojtarë në Kupën e Botës 2026.
Vendimi është bërë publik nga presidenti i FIFA-s, Gianni Infantino, i cili theksoi rëndësinë e partneritetit me klubet dhe Shoqatën Europiane të Klubeve. Shuma do të ndahet jo vetëm për lojtarët që marrin pjesë në fazën finale, por edhe për ata që aktivizohen në kualifikuese.
Nga Shqipëria, përfitues janë disa skuadra të Superiores, mes tyre Egnatia, Dinamo, Elbasani, Vllaznia, Bylis dhe Vora. Emra si Dajsinani dhe Aliji janë përfshirë me Kombëtaren shqiptare, ndërsa Zabërgja ishte pjesë më herët.
Po ashtu, Kristian Dros ka luajtur me Moldavinë, ndërsa Abubakar Kamara me përfaqësuesen e Nigerit. Ky vendim pritet të sjellë mbështetje të drejtpërdrejtë financiare edhe për klubet shqiptare që kanë lojtarë të angazhuar me ekipet kombëtare.
/Cna
