Jasir Asani rrezikon të kalojë disa muaj pa luajtur nëse nuk arrihet një marrëveshje mes Gwangju dhe Esteghlal për transferimin e tij që tani.
Sulmuesi i Kombëtares shqiptare ka firmosur me klubin iranian për t’u bashkuar në janar, pas përfundimit të kontratës me skuadrën koreane.
Ky vendim nuk është pritur mirë nga Gwangju, që e ka lënë jashtë listës së grumbullimit për të dytën javë radhazi. Klubi korean kërkonte rinovimin e kontratës ose përfitim financiar nga shitja e tij.
Vendimi i lojtarit për t’u larguar si lojtar i lirë ka sjellë mënjanimin e tij nga ndeshjet, përfshirë sfidën ndaj Pohjang. Situata pritet të zgjidhet vetëm nëse dy klubet bien dakord për transferimin e menjëhershëm.
Esteghlal ka shprehur që nga fillimi synimin për ta marrë lojtarin para janarit. Për momentin, marrëveshja mbetet e hapur për negociata.
