Federata Serbe duket se e ka zgjedhur trajnerin e ri, pas dorëheqjes së Dragan Stojkovic.
Përkohësisht, detyrën e trajnerit e ka marrë Zoran Mirkovic, i cili do të udhëheqë skuadrën në dy ndeshjet e mbetura të kualifikimeve për Botërorin.
Sipas mediave serbe, Federata ka arritur marrëveshje me Veljko Paunovic, ish-trajner i Real Oviedo-s dhe kampion bote me Serbinë U20 në vitin 2015. Fillimisht ai nuk konsiderohej si opsion kryesor, me Dejan Stankovic dhe Vladan Milojevic si alternativa të tjera.
Paunovic pritet të marrë drejtimin e kombëtares menjëherë pas përfundimit të kualifikueseve. Ai ka një karrierë të gjatë si futbollist në Evropë dhe SHBA, si dhe përvojë të konsiderueshme si trajner në klube dhe skuadra përfaqësuese. Federata serbe synon që me emërimin e tij të hapë një fazë të re për përfaqësuesen.
