Kombëtarja shqiptare do të luajë mbrëmjen e kësaj të marte ndaj Letonisë, në duelin e vlefshëm për kualifikueset e Botërorit.
Kuqezinjtë kërkojnë fitoren për të mbajtur gjallë shpresat për kualifikim, ndonëse nuk njohin ende sukses ndaj rivalit baltik.
Aktualisht Shqipëria renditet e treta në grup me 5 pikë, një më shumë se Letonia dhe dy më pak se Serbia, ndërsa Anglia kryeson e shkëputur. Një barazim ose humbje në “Air Albania” do ta vështirësonte ndjeshëm rrugën e kuqezinjve drejt Botërorit. Megjithatë, rezultatet e fundit japin shpresë, pasi në 5 sfidat e fundit Shqipëria ka marrë 2 fitore, 2 barazime dhe vetëm 1 humbje.
Pak minuta para fillimit, janë zbuluar edhe formacionet zyrtare.
FORMACIONET ZYRTARE:
Shqipëria: Strakosha; Hysaj, Ajeti, Gjimshiti, Mitaj; Laçi, Shehu, Asllani; Broja, Bajrami, Manaj.
Letonia: Zviedris, Ciganiks, Balodis, Cernomordijs, Melniks, Jurkovskis, Zelenkovs, Vapne, Varslavans, Daskevics, Sits.
